|
Jájá, minns fór bara á sjúkrahús í gær. Jamm, froskurinn sjálfur. Það kom í ljós að fallegu augun mín voru liður í ofnæmisviðbrögðum. Þegar ég vaknaði í gærmorgun voru fingurnir bólgnir og, það sem hræddi mig svolítið, varirnar voru líka bólgnar! Við brunuðum niðrá læknavakt og þaðan var ég send með sjúkrabíl niður á Lansa eftir að settur hafði verið upp krani og dælt í mig adrenalíni og fleiru. Það komu fjórir sjúkraflutningamenn í kringum þrítugt til að stjana við mig. Ég hélt að ég hefði dáið og farið til himna!!!
Það var semsagt rokið með mig á Lansann í Fossvogi og gerðar rannsóknir, ég tengd við vél sem sagði bíííííííp og tekið blóð og dælt í mig meiri lyfjum. Svo beið ég bara og þar sem pabbi hafði gerst góður faðir og fór til ömmu í kaffi, þá bað ég Hringlu að koma og hún kom með samlokur handa mér og við fengum að fara í næsta herbergi að horfa á sjónvarpið. Svo kom læknirinn og sagði að ég mætti fara, tók mig úr sambandi og kranann úr og gaf mér resept upp á STERA!!! Svo fór ég bara á leiklistaræfingu í gúddí fíling.
En nú þarf ég að fara að taka sterana mína og læra. Mér er orðið doldið illt í kranahendinni minni.
skrifað af Runa Vala
kl: 22:09
|
|
|
